ԱՄՆ-ն եւ Ուկրաինայի արեւմտյան դաշնակիցները Կիեւին խնդրել էին հարվածներ չհասցնել Ռուսաստանի տարածքին «Վագներ» ՄՌԿ խռովության ժամանակ։ Այս մասին երկուշաբթի տեղեկացրել է CNN հեռուստաալիքը՝ հղում կատարելով արեւմտյան պաշտոնյաներին։
«Հիմնական ուղերձն այն էր, որպեսզի նավակը չտատանենք»,- ասել է հեռուստաալիքի զրուցակիցներից մեկը։ Նրա խոսքով՝ Արեւմուտքը մտավախություն ուներ, որ Մոսկվան կսկսի Ուկրաինայի նման գործողությունները դիտարկել որպես օգնություն այդ ՄՌՏ-ի հիմնադիր Եվգենի Պրիգոժինին եւ ոտնձգություն ՌԴ ինքնիշխանության դեմ Կիեւի եւ դաշնակիցների կողմից։ «Դաշնակիցները նախազգուշացնում էին ուկրաինացիներին, որպեսզի նրանք չզբաղվեն սադրանքով։ Օգտագործեք հնարավորություններն ուկրաինական տարածքներում, բայց մի միջամտեք Ռուսաստանի ներքին գործերին եւ հարվածներ մի հասցրեք հարձակողական ռազմական միջոցներին Ռուսաստանի տարածքում,- ավելացրել է պաշտոնյան։- Մենք չենք ցանկանում նպաստել նարատիվին այն մասին, որ դա մեր նախաձեռնությունն էր»։
Այս ուղերձը տարածվել է արտաքին գործերի նախարարների, նրանց տեղակալների մակարդակով եւ դեսպանների միջոցով։
