Ուկրաինայի պատվիրակությունը ՄԱԿ-ի գագաթնաժողովում ՌԴ նախագահ Վլադիմիր Պուտինի ելույթի ընթացքում լքել է դահլիճը: Այս մասին հայտնում է ՏԱՍՍ-ը:

Գործակալության փոխանցմամբ, նման դեպքերը ՄԱԿ-ի գագաթնաժողովների ժամանակ նորություն չեն: Դրանք որոշ դեպքերում սպասելի են և նույնիսկ կարելի է ասել ավանդույթ են դարձել: ՄԱԿ-ի գագաթնաժողովի ընթացքում Իրանի նախկին նախագահ Մահմուդ Ահմադինեժադի ելույթների ժամանակ ԱՄՆ-ի, Իսրայելի, եվրոպական մի շարք երկրների պատվիրակությունները մի քանի անգամ լքել են դահլիճը' այդպիսով իրենց բողոքն արտահայտելով Ահմադինեժադի հակաիսրայելական հայտարարությունների դեմ: Իրանն էլ իր հերթին նման կերպ պատասխանել է ԱՄՆ-ին և Իսրայելին: