ԱՄՆ-ից Փարիզ ուղևորվող Air France ավիաընկերությանը պատկանող երկու օդանավ ստիպված է եղել փոխել իր ուղղությունը և չնախատեսված վայրէջք կատարել՝ օդանավում ռումբի մասին նախազգուշացումից հետո: Այս մասին հյատնում է KSL հեռուստաալիքը:
Լոս Անջելես-Փարիզ չվերթը վայրէջք է կատարել Սոլթ Լեյք Սիթիում: Քիչ անց Վաշինգթոն-Փարիզ չվերթի օդանավը վայրէջք է կատարել Գալիֆաքսում: Երկու օդանավերն էլ բարեհաջող վայրէջք են կատարել:
Սոլթ Լեյք Սիթիում վայրէջք կատարած օդանավը զննում են ԱՄՆ հետաքննությունների դաշնային բյուրոյի աշխատակիցներն ու կինոլոգները:
Միջազգային օդանավակայանի մամուլի քարտուղարը հայտնել է, որ օդանավն արդեն առանց ուղևորների գտնվում է անվտանգ հեռավորության վրա:
Air France-ը հայտարարել է, որ երկու օդանավերի թռիչքից հետո անանուն սպառնալիքներ են ստացվել, որ օդանավերն ականապատված են:
