Ստավրոպոլի երկրամասում թեթև շարժիչային ինքնաթիռ է ընկել: Ընկնելուց հետո՝ փրկարարները մարել են ինքնաթիռի հրդեհը: Այս մասին հայտնում է ՌԻԱ «Նովոստին»՝ հղում անելով այդ երկրի ԱԻՆ-ի տարածքային վարչությունը:
Քննչական հարավային վարչությունը նախաքննություն է սկսել Ստավրոպոլի երկրամասում թեթև շարժիչային ինքնաթիռի կործանման դեպքի առթիվ, որի հետևանքով զոհվել է չորս մարդ: «Ճշտված տեղեկություններով՝ ինքնաթիռն ընկել է Սուվորովսկի կայարանի մոտակայքում և բռնկվել: Ժամը 11:51-ին հրդեհը մեկուսացվել է»,- ասված է վարչության տարածած հաղորդագրության մեջ: Դեպքի վայրում աշխատում են օպերատիվ ծառայությունները:
Տարածքը ոստիկանների կողմից շրջափակված է ԱԻՆ-ի տվյալներով կատարվող աշխատանքներում ներգրավված է 38 մարդ և 15 միավոր տեխնիկա, այդ թվում ԱԻՆ-ից ինը մարդ և 4 միավոր տեխնիկա:
