Տավուշի մարզում մայիսի 4-ին ականի պայթյունից վիրավորված զինծառայող Շիրազ Սահակյանին այսօր տեղափոխել են Երևան՝ Մուրացանի զինվորական հոսպիտալ: Այս մասին ԼՈւՐԵՐ.com-ի թղթակցի հետ զրույցում ասաց վիրավոր զինծառայողի համագյուղացին՝ Չորաթանի համայնքապետ Վարուժան Բաղմանյանը:
Համայնքապետը փոխանցեց՝ երեկ Շիրազ Սահակյանը Բերդի հոսպիտալում վիրահատվել է, ոտքը կտրել են, վիճակն այժմ կայուն է, կյանքին վտանգ չի սպառնում:
Նշենք՝ զինծառայողը 48 տարեկան է, ամուսնացած, ունի երկու ուսանող երեխաներ:
Հիշեցնենք՝ երեկ Պաշտպանության նախարարության մամուլի քարտուղար Արծրուն Հովհաննիսյանն իր ֆեյսբուքյան էջում գրում էր․ «Տավուշում ականից վիրավորված զինծառայողի վիճակն այս պահին ծանր է, նա գտնվում է Բերդի հոսպիտալում»։
Սոնա Հարությունյան
