Zoom կոնֆերանս կապի շուկայական կապիտալիզացիան ուրբաթ օրը առաջին անգամ գերազանցել է 50 միլիարդ դոլարը: Դա են վկայում NASDAQ բորսայի տվյալները:
Ընկերության բաժնետոմսերի գինն աճել է 9,74 տոկոսով և կազմել 179,48 դոլար:
Ընթացիկ տարում ընկերության կապիտալիզացիան աճել է ավելի քան 30 մլրդ դոլարով, հաղորդում է Bloomberg- ը: Ներդրողների կարծիքով՝ ծառայության տարածվածությունը կորոնավիրուսով պայմանավորված սահմանափակումների ֆոնին, կնպաստի ընկերության եկամուտների աճին:
Zoom-ը թույլ է տալիս մարդկանց աշխատել կամ սովորել տնից՝ տեսակոնֆերանսի ձևաչափով, դրա համար համավարակի ժամանակ այն ժողովրդականություն է վայելում, նշել են փորձագետները: Ծառայության ամենօրյա լսարանը աշխարհում 2020թ. մարտին ավելացել է 20 անգամ՝ 2019թ. դեկտեմբերի համեմատ կազմելով 200 մլն մարդ:
