Հայաստանի ԱԻՆ-ում, հունիսի 23-ին, ժամը 19:51-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Սեբաստիայի փողոցի տներից մեկի տանիքում:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:

Հրդեհը մեկուսացվել է ժամը 20։06-ին, մարվել՝ 20։22-ին: Այրվել են տան տանիքի փայտյա կառուցատարրերը (մոտ 10 քմ):