ՆԱՏՕ-ն մտահոգված է արցախաադրբեջանական շփման գծում խաղաղ բնակիչների մահվան կապակցությամբ և կոչ է անում դադարեցնել կրակը և բանակցություններ վարել, ասել է ՆԱՏՕ-ի գլխավոր քարտուղար Յենս Ստոլտենբերգը: Նա այժմ աշխատանքային այցով գտնվում է Անկարայում: Նա բանակցություներ է վարել Թուրքիայի արտգործնախարար Մեվլութ Չապվուշօղլուի հետ: Սպասվում է, որ նա կհանդիպի Թուրքիայի նախագահ Թայիփ Էրդողանի հետ: «Մենք շատ մտահոգված ենք Ղարաբաղում տիրող իրավիճակով: Մենք տեսնում ենք, որ խաղաղ բնակիչներ են զոհվում: Այս հակամարտությունը ռիսկ է պարունակում բոլոր ոլորտների համար: Սա շատ վտանգավոր իրավիճակ է ինչպես ամբողջ տարածաշրջանի, այնպես էլ դաշինքի անդամների համար: Մենք անմիջապես կոչ ենք անում հակամարտության բոլոր կողմերին դադարեցնել պատերազմը և նստել բանակցությունների սեղանի շուրջ», - ասել է Ստոլբենտերգը Անկարայում Չավուշօղլուի հետ համատեղ մամուլի ասուլիսում:
