![](http://mediamall.am/timthumb.php?src=upload/233124.png&w=300&h=200&mt=1602166186)
ԵԱՀԿ Մինսկի խմբի ամերիկացի համանախագահ Էնդրյու Շոֆերը մասնակցում է Ժնևում Լեռնային Ղարաբաղի շուրջ ընթացող բանակցություններին, և Վաշինգտոնը Հայաստանին և Ադրբեջանին կոչ է անում անհապաղ դադարեցնել ռազմական գործողությունները, ասել է Ժնևում ԱՄՆ մշտական առաքելության պաշտոնական ներկայացուցիչը: Նրա խոսքով՝ ԱՄՆ֊ն պատրաստակամ է կողմերին օգնելու հասնել հակամարտության խաղաղ և կայուն լուծմանը: «Որպես համանախագահ երկիր՝ Միացյալ Նահանգները կմասնակցի ԵԱՀԿ Մինսկի խմբի հովանու ներքո անցկացվող հանդիպումներին: ԱՄՆ դիրքորոշումը հստակ է և չի փոխվել: Երկու կողմերն էլ պետք է անհապաղ դադարեցնեն ռազմական գործողությունները և աշխատեն Մինսկի խմբի համանախագահների հետ՝ հնարավորինս շուտ վերադառնալու բովանդակային բանակցություններին», - ասել է Շոֆերը։