ՆԱՏՕ-ն պատրաստվում է Ռուսաստանի հետ զինված հակամարտության, հայտարարել է ՌԴ պաշտպանության փոխնախարար Ալեքսանդր Ֆոմինը ռազմական կցորդների եւ Մոսկվայում հավատարմագրված օտարերկրյա դեսպանությունների ներկայացուցիչների համար ճեպազրույցի ժամանակ: Այս մասին հաղորդում է ՌԻԱ Նովոստին:

«Դաշինքի ռազմական շինարարությունն ամբողջությամբ կենտրոնացած է Ռուսաստանի հետ լայնածավալ բարձր ինտենսիվության զինված հակամարտության նախապատրաստման վրա»,- ասել է նա:

 
 

Նա պարզաբանել է, որ Հյուսիսատլանտյան դաշինքն իր փաստաթղթերում, այդ թվում՝ 2019 թվականի ռազմավարության մեջ, ուղղակիորեն ՌԴ-ն անվանում է «կոալիցիոն անվտանգությանը սպառնացող վտանգների» հիմնական աղբյուր։

Միաժամանակ, Ֆոմինը նշել է, որ դեռ ուժի մեջ է Հռոմի հռչակագիրը, որտեղ ասվում է, որ Ռուսաստանն ու ՆԱՏՕ-ն միմյանց հակառակորդներ չեն համարում։ Կողմերը դա հաստատել են 2010 թվականին Լիսաբոնում կայացած գագաթնաժողովում։