Ինքնահռչակ Դոնեցկի Ժողովրդական Հանրապետության իշխանությունները հայտնել են, որ երկուշաբթի օրը Դոնեցկում ուկրաինական զորքերի գնդակոծության արդյունքում 5 մարդ է զոհվել, 33-ը՝ վիրավորվել։

Նրանց խոսքով՝ Դոնեցկը 2015 թվականից ի վեր ամենաինտենսիվ գնդակոծության տակ է եղել։ «Հանրապետության» ղեկավար Դենիս Պուշիլինը ավելի վաղ հայտարարել էր, որ «Կիևը հատել է բոլոր սահմանները»։

Ուկրաինայի իշխանությունները չեն մեկնաբանել Դոնեցկի վրա հարձակումների մասին լուրերը։