Եվրամիությունը կարող է վերանայել Ադրբեջանի հետ համագործակցությունը մի քանի ոլորտներում եւ պատժամիջոցներ սահմանել առանձին անձանց դեմ, եթե իրավիճակը Լեռնային Ղարաբաղում վատթարանա։ Այս մասին հայտնում է Reuters-ը՝ հղում անելով ԵՄ արտաքին ծառայության պատրաստած փաստաթղթին։

«Մարդու իրավունքների լուրջ խախտումների դեպքում, նման խախտումների համար պատասխանատուների նկատմամբ կարող են սահմանափակիչ միջոցներ ձեռնարկվել», - փաստաթուղթը մեջբերում է գործակալությունը։

Դիվանագետների խոսքով՝ համայնքի երկրների միջև տարաձայնություններ կան, թե արդյոք պետք է ավելի կոշտ դիվանագիտական կամ քաղաքական միջոցներ ձեռնարկել, հայտնում է Reuters-ը։