Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը մեջբերել է երկրի նախագահ Վլադիմիր Պուտինի խոսքերը Ռուսաստանի սահմանների մասին, որոնք «ոչ մի տեղ չեն ավարտվում»։ Այս մասին հայտնում է «ՌԻԱ Նովոստի»-ն։
«Նախագահը հստակ և լակոնիկ խոսել է մեր սահմանների մասին։ Ռուսաստանի սահմանները ոչ մի տեղ չեն ավարտվում», - ասել է ՌԴ Անվտանգության խորհրդի փոխնախագահը։
Նա նշել է, որ այս խոսքերը «շատ լավն են»։
Մեդվեդևը նաև հայտարարել է, որ այս կամ այն պետության ռազմավարական սահմանները կախված են նրա քաղաքական ուժից և «թե որքան հեռու է այն տարածվում»։ ՌԴ Անվտանգության խորհրդի փոխնախագահի խոսքով՝ թուլացող երկրների ռազմավարական սահմանները համընկնում են աշխարհագրական սահմանների հետ, իսկ Ռուսաստանի դեպքում իրավիճակն այլ է։
