Ուկրաինայի մայրաքաղաք Կիևում մի քանի հարյուր ցուցարարներ կրկին պիկետ են կազմակերպել նախարարների կաբինետի մուտքի մոտ' պահանջելով կառավարության հրաժարականը. դեպքի վայրից հայտնում է РИА Новости-ի թղթակիցը:
Ցուցարարներն արգելափակել են նախարարների կաբինետի մուտքը: Նրանք ձեռքներին պահում են ընդդիմադիր «Սվոբոդա» կուսակցության և ԵՄ դրոշները: Միաժամանակ, ոստիկանությունը շրջափակել է շենքի կողային մուտքերը' ապահովելու համար ծառայողների անվտանգ ելումուտը:
Ոստիկանական ավտոբուսներով լի է նաև Գերագույն ռադայի մուտքը: Խորհրդարանի մուտքի մոտ մի քանի հարյուր մարդ կա, որոնք մասնակցում են իշխանությունների աջակցությանն ուղղված ցույցին:
