Նեապոլում բացվել Է Իտալիայի նախկին վարչապետ Սիլվիո Բեռլուսկոնիի նկատմամբ նոր դատական գործով առաջին նիստը, հաղորդում Է ANSA գործակալությունը:
Սենատորի կարգավիճակից զրկված 77-ամյա Բեռլուսկոնին մեղադրվում Է 2007 թվականին սենատորների կաշառման մեջ՝ վարչապետ Ռոմանո Պրոդիի գլխավորած կառավարության տապալման նպատակով:
Դատավարությունում մեղադրող կողմից առաջին անգամ քաղաքացիական հայցվոր հանդես կգա նաեւ Իտալիայի խորհրդարանի Սենատը: Այս մասին ավելի վաղ հայտարարել Է Իտալիայի խորհրդարանի վերին պալատի խոսնակ Պիետրո Գրասոն: Դատավարությունում վկաների ցուցակում նշված են նաեւ նախկին վարչապետ Ռոմանո Պրոդին եւ մի շարք խորհրդարանականներ:
Բեռլուսկոնիի գործով առաջին երկու դատական նիստերը կկրեն առավելապես ընթացակարգային բնույթ:
