Ձմռան վերջին օրվա հետկեսօրից սկսած' Գեղարքունիքի մարզի տարածքով մեկ շարունակվում են ձյան տեսքով տեղումները: Սակայն դրանք առայժմ չեն խաթարել տրանսպորտային երթեւեկությունը, թեեւ գետնի մակերեսին արդեն առկա է մի քանի սանտիմետր ձյան շերտ: Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի քաղաքաշինության վարչության տրանսպորտի եւ ճանապարհաշինության բաժնի պետ Գեւորգ Խաչատրյանը, ձ յան տեղումներն ավելի առատ են Սեւանի եւ Գավառի, համեմատաբար թույլ' Մարտունու, Վարդենիսի եւ Ճամբարակի տարածքներում: Առայժմ գոյացած ձյան շերտը տրանսպորտային երթեւեկության համար որեւէ խոչընդոտ չի ստեղծել, քանի որ այն մի կողմից էլ հալվում է եւ չի ուղեկցվում բքերով: Բաց են մնում նաեւ Վարդենյաց լեռնանցքը եւ լեռնային մի շարք գյուղերի ճանապարհները:
