Մեծ Բրիտանիայի զինված ուժերը կմասնակցեն զորավարժություններին, որոնք հուլիսին նախատեսված են Ուկրաինայի տարածքում, հաղորդում Է «Գարդիան» բրիտանական թերթը:
Միացյալ Թագավորության զորքերը կընդգրկվեն այն զորակազմի կազմում, որի թվաքանակը կհասնի 1300-ի: Հրատարակության տվյալներով՝ վարժանքների մասնակիցների մեծամասնությունն ամերիկացի զինծառայողներ են:
ԱՄՆ-ի Ատլանտյան խորհրդի պաշտոնական կայքում նշվում Է, որ Rapid Trident-2014 զորավարժությունները կանցկացվեն Լվովի մարզում՝ Լեհաստանի սահմանից ոչ հեռու եւ նպատակ կունենան «տարածաշրջանի կայունության ու անվտանգության ապահովումը, ԱՄՆ-ի բանակի, Ուկրաինայի եւ ՆԱՏՕ-ի երկրների ցամաքային զորքերի միջեւ գործակցության բարելավումը»:
Ինչպես նշում Է ԻՏԱՌ-ՏԱՍՍ-ը, զորավարժություններին պլանավորված Է Հայաստանի, Ադրբեջանի, Բուլղարիայի, Գերմանիայի, Վրաստանի, Կանադայի, Մոլդովայի, Լեհաստանի եւ Ռումինիայի զինվորականների մասնակցությունը:
