ԱՄՆ-ի նախագահ Բարաք Օբաման նկարահանվել Է զավեշտական տեսահոլովակում Միացյալ Նահանգների BuzzFeed նորությունների ինտերնետ-հրատարակության համար: «Բաներ, որ անում են բոլորը, բայց որոնց մասին ոչ ոք չի խոսում» անվանումը կրող տեսագրության մեջ պատկերված Է նախագահի եւ BuzzFeed-ի լրագրողի «նախապատրաստվելը հարցազրույցին» , տեղեկացնում Է «Արմենպրես»-ը:
Օբաման հայելու առջեւ փորձում Է իր ելույթը, ինքն իրեն լեզու Է ցույց տալիս, ծոցատետրում նկարում Է իր կնոջ՝ Միշելի դիմանկարը, կաթով բաժակի մեջ Է թաթախում թխվածքաբլիթը, մոնոպոդի միջոցով սելֆի Է անում եւ բասկետբոլ խաղում երեւակայական գնդակով:
Ինչպես նշում Է ՏԱՍՍ-կ, Սպիտակ տան ղեկավարը համաձայնել Է նկարահանվել տեսահոլովակում, որպեսզի BuzzFeed-ը գովազդի Obamacare բժշկական ապահովագրության ծրագիրը, որին Օբաման մեծ կարեւորություն Է տալիս: Ինտերնետ-պորտալը զետեղել Է հղում, որին հետեւելով՝ կարելի Է տեղեկատվություն ստանալ այդ ծրագրի մասին: Տեսահոլովակը դարձել Է Համացանցի հիթը՝ հավաքելով մի քանի միլիոն դիտում:
