Թուրքիայի և Հունաստանի ազգային հավաքականների միջև նոյեմբերի 17-ին տեղի ունեցած ընկերական հանդիպման ժամանակ Ստամբուլի մարզադաշտում թուրք երկրպագուները խայտառակ վարք են դրսևորել և անարգել են Փարիզի ահաբեկչության զոհերի հիշատակը: 

Ֆուտբոլիստները խաղից առաջ լռության րոպեով հարգել են Փարիզի ահաբեկչության զոհերի հիշատակը:

Այդ ընթացքում երկրպագուներն սկսել են սուլել և բղավել. «Շեհիդները չեն մահանում, հայրենիքն անբաժան է», տեղեկացնում է Demokrathaber.net-ը:

Թուրք երկրպագուների անվայելուչ պահվածքը շարունակվել է նաև Հունաստանի ազգային հիմնի հնչելու ժամանակ:

Հավելենք, որ հանդիպմանը ներկա է եղել Թուրքիայի վարչապետ Ահմեդ Դավութօղլուն և իր հույն գործընկեր Ալեքսիս Ցիպրասը, այս մասին գրում է Reuters-ը:

Թուրքիա - Հունաստան խաղն ավարտվել էր 0:0 հաշվով:

Իսկ Լոնդոնի «Ուեմբլի» մարզադաշտում հավաքվածները կատարում էին Ֆրանսիայի հիմնը