Հյուսիսային պողոտայում արդեն մեկնարկել է ավանդական դարձած և բոլորի կողմից շատ սիրված Ամանորյա և Սուրբ Ծննդյան տոնավաճառը:
Երրորդ տարին շարունակ «Յուքոմ» ընկերությունը հանդիասնում է ամանորյա տոնավաճառի գլխավոր աջակիցը՝ հնարավորություն տալով մի շարք ընկերություններին ավելի գունազարդ դարձնել մեր Ամանորը՝ ինքնատիպ տաղավար-տնակներում ներկայացնելով Ամանորի եւ Սուրբ Ծննդյան խորհրդանիշեր, տոնական զարդեր, հուշանվերներ և քաղցրավենիք:
Այս տարիների ընթացքում «Յուքոմ» ընկերությունը ձմեռվա ցուրտ օրերին բոլոր այցելուներին հյուրասիրել է տաք թեյ՝ ջերմացնելով մարդկանց ձեռքերն ու հոգիները և նվիրելով բոլորին տոնական տրամադրություն:
Այնպես որ, բաց մի´ թողեք ձեր հնարավորությունը մասնակից դառնալու ամանորյա կախարդանքին և զվարճանքին, այցելե´ք հյուսիսային պողոտա և վայելե´ք ամանորյա տաք թեյ և հաճելի տրամադրություն:
Տոնավաճառը կգործի մինչև հաջորդ տարվա հունվարի 6-ը:
