«Ղարաբաղ» կոմիտեի նախկին անդամ Աշոտ Մանուչարյանը կարծում է, որ Հայաստանի նախագահի այս ընտրություններն անհեթեթություն են և հաստատում են կողոպուտի համակարգը: Այսօր լրագրողների հետ հանդիպմանն Աշոտ Մանուչարյանը նշեց, որ այս ընտրություններն ինքը մերժում է, շատ կարևոր է, որ հասարակությունն էլ մերժի, բայց ոչ բոլորը կարող են դա անել:
Նրա խոսքով՝ արևմտյան տիպի ընտրությունները, որ անցնելու են Հայաստանում, լինելու են մեկ փուլով, ոչ մի անակնկալներ չեն լինելու: Իսկ ընտրություններից հետո լինելու է մեծ ակտիվություն, «այն, ինչ արևմտյան լեզվով համարում եք քաղաքացիական հասարակություն»: Աշոտ Մանուչարյանի խոսքով, ընտրություններից հետո մարդիկ մտնելու են փնտրտուքի մեջ, այլ մեխանիզմերի փնտրտուքի, որին խանգարում են արևմուտքից այսօր մեզ թելադրված կեղծ ընտրություները: «Արևմտյան թատրոնը պետք է պրնծի ու սկսվի հայկականը, որի ժամանակ կլինի ակտիվություն»,- ասում է Մանուչարյանը:
Բանախոսը նշեց, որ այս փուլում ամեն ինչ քննարկվում է, բացի նախագահի թեկնածուներից Անդրիաս Ղուկասյանի տված ձևակեպումը՝ վերջ կեղծ ընտրություններին: Դա, Մանուչարյանի խոսքով, խորքային հարց է: Կեղծ ընտրությունների խնդիրն այսօր, ըստ Մանուչարյանի, համամոլարակային է: «Այդ պաստառը նա կարող է նույն հեշտությամբ փակցնել Վաշինգտոնում, Մոսկվայում կամ Բաքվում: Մենք մեր իմաստով ենք նայում հարցին, նեղ իմաստով, որ ավելորդ բուլետեններ չլցվեն»,- ասաց նա:
Աշխարհում, ըստ Աշոտ Մանուչարյանի, կա մեկ խնդիր՝ երկու մարիոնետ են, որոնցից պետք է ընտրել նրան, ով կզբաղվի թալանով: Նրա խոսքով՝ կա համամոլարակային թալանի համակարգ, որի անունը դրել են կեղծ եվրոպական քաղաքակրթություն: «Հայաստանում էլ ամեն ինչ վերածված է բալագանի, լրտեսը լրտես չի, մարդասպանը մարդասպան չի, թիրախը թիրախ չի, ոչ մի բանը ոչ մի բան չի: Հայաստանը մեկ անգամ է ընտրություն կատարվել՝ 1988-90 թվականներին, երբ ընտրել ենք այն կյանքի տեսակը, որն ուզեցել ենք»,- ասաց նա: Հենց այդ թվականներին, ըստ Մանուչարյանի, իշխանությունը ենթակա էր ժողովրդին: Դրանցի հետո, ըստ նրա, Հայաստանում դրված է մի մեծ փոշեկուլ՝ հարստակուլ: Ղեկավարները Հայաստանի ամբողջ հարստությունը քաշում են իրենց մեջ, պաշտոնյաները, օլիգարխներն ամբողջ հարստությունը կենտրանացնում են իրենց ձեռքը, հետո արտասահմանյան բանկերում հաշիվ բացում, ունցվածք գնում արտասահմանում, այլ երկրների տնտեսությունը զարգացում:
Այնինչ, ըստ Աշոտ Մանուչարյանի, այսօր ոչ մի նախագահի թեկնածու այս մասին չի խոսում: «Պարզապես ասում են՝ ո՞նց կատարելագործենք այս համակարգը, որ քիչ թալանվի, քաղաքացին երկու բաճկոն շատ գնի»,- ասաց նա՝ հավելելով, որ ընտրական այս գործընթացը պետք է մերժվի, փոխարենը նոր մեխանիզմ ներդրվի:
