Գերմանացի գիտնականները խորհուրդ են տալիս ծխախոտի բացասական հետևանքները հաղթահարել կարմիր գինու օգնությամբ: Առաջին հայացքից տարօրինակ թվացող այս պնդումն ապացուցվել է իրականացված հետազոտությունների արդյունքում: Ինչպես հայտնի է, ծխախոտի ազդեցությամբ օրգանիզմում ակտիվանում է բջիջների ծերացումը, իսկ կարմիր գինին այս գործընթացը կանխող ամենաարդյունավետ միջոցներից մեկն է:
Հետազոտությանը մասնակցել է նախկինում ծխախոտ չօգտագործած 20 առողջ երիտասարդ, որոնք փորձի ընթացքում պետք է օրական երեք ծխախոտ ծխեին: Նրանց կեսին տրամադրվում էր նաև կարմիր գինի: Այնուհետև բժիշկները հետազոտել են նրանց արյունն ու մեզը:
Հետազոտության արդյունքում պարզվել է, որ կարմիր գինի օգտագործողների մոտ բջիջների վնասվածություն չի հայտնաբերվել, ի տարբերություն գինի չօգտագործած խմբի:
