Այսօր' փետրվարի 28-ին, Ոստիկանության Մալաթիայի բաժին ահազանգ է ստացվել, որ Հարավ-Արևմտյան Ա 1 թաղամասի Անդրանիկի 48 շենքի բակում մահացած աղջկա դի կա:
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Երևան քաղաքի 1-03 ծառայության' շտապ օգնության բրիգադը, ովքեր տեսնելով, որ աղջիկն արդեն մահացել է, ահազանգել են համապատասխան ծառայությունների:
Ժամանել է Ոստիկանության Մալաթիա-Սեբաստիա բաժնի օպերատիվ քննչական խումբը, ովքեր նշված 14 հարկանի շենքի հարևանությամբ, բաց տարածքում հայտնաբերել են երեխայի դին:
Հավաքվածները ֆոտոլրագրողին պատմել են, որ մահացածը սովորում է 174 դպրոցի 9-րդ դասարանում և նա Սիրարփի Վ-ն է, ով, ըստ տեղեկությունների, ինքնասպանության նպատակով վերջ է տվել իր կյանքին:
Ոստիկանությունն այս պահին փորձում է պարզել դեպքի հանգամանքները:
