Ազգային ժողովի արտահերթ նիստում քննարկվում է Սևանա լճից հավելյալ 100 մլն խմ ջրառի հարցը: Տեսակետները շատ տարբեր են. պատգամավորներից ոմանք կարծում են, որ Սևանա լճից հավելյալ ջրառը լիճը կկանգնեցնի կենսական խնդիրների և ցամաքեցման առաջ, իսկ մյուս մասը գտնում է, որ պետք է լճից հավելյալ ջրառ անել՝ ջուր հասցնելով 130 հազար գյուղացու:
ԱԺ ամբիոնին մոտեցավ ԱԺ փոխխոսնակ էդուրարդ Շարմազանովը և իր ելույթը կառուցեց կարապետյանական ոճով՝ հարցեր առաջադրելով և դրանց պատասխանելով:
Շարմազանովի հարցուպատասխանը ներկայացնում ենք ստորև.
-Արդյո՞ք Սևանա լիճը մեր ազգային հարստությունն է:
-Իհա՛րկե այո:
-Պե՞տք է հոգ տանենք:
-Իհա՛րկե այո:
-Արդյո՞ք քաղաքական իշխանությունը բավարար ուշադրություն չի դարձրել Սևանին:
-Իհա՛րկե նման տեսակետը սխալ է:
-Պե՞տք էր խոսել այս խնդրի մասին նախօրոք, պե՞տք էր, այս հարցի շուրջ քննարկումներ անեինք:
Իհա՛րկե, նման պահանջը իրատեսական չէ, քանի որ ԱԺ 6-րդ գումարման ԱԺ-ն նոր է մտել ուժի մեջ:
-Հետևություն, որ ջուրը պետք է բաց թողնենք և մոռանա՞նք:
-Իհա՛րկե ոչ:
Հարցուպատասխանից հետո Էդուարդ Շարմազանովը խորհուրդ տվեց կողմ քվարկել ծրագրին՝ շեշտելով, որ հետամուտ են լինելու լճի էկոլոգական խնդիրների կարգավորմանը: