«Ելք» խմբակցության պատգամավոր Սասուն Միքայելյանը պարզել է՝ սահմանին թշնամու կողմից ոչ մի տեղաշարժ չկա: «Դուրս կգանք կապացուցենք, երեւի ադրբեջանցիները ավելի խոհեմ են, քան մենք»,- ասաց նա:
Թշնամու տեղաշարժի մասին հայտարարությունը արել էր ՀՀԿ խմբակցության պատգամավոր Կորյուն Նահապետյանը:
« Ամեն անգամ այդպիսի հայտարարություններ մի արեք: Երբ ժողովուրդը ընբոստացել է, նման բան եք ասել, այլեւս դա չի անցնի»,- ասաց ԱԺ պատգամավորը:
Անդրադառնալով ՀՀԿ պատգամավորների հայտարարությանը, թե Նիկոլ Փաշինյանը չի կարող վարչապետ լինի, Սասուն Միքայելյանը նշեց. «Ես էլ եմ համաձայն, նա չի կարող բանդայի վարչապետ լինի, ինքը ուզում է ՀՀ վարչապետ լինի»:
Նրա խոսքերով՝ ժողովրդին հրապարակում ոչ թե իրենք են հավաքել, այլ իշխանությունն է ժողովրդին տարել հրապարակ, քանի որ ուզում են ազատ ապրել. «Կրակի հետ խաղ մի արեք»:
Նա ելույթի վերջում կոչ արեց քվեարկել Նիկոլ Փաշինյանի օգտին՝ անդառնալի հետեւանքներից խուսափելու համար: Ելույթից հետո Միհրան Պողոսյանը շարժվեց Սասուն Միքայելյանի ուղղությամբ՝ ենթադրվում է հարցի վերաբերյալ պարզաբանում ստանալու:
Հանրապետական պատգամավորին հետ պահեց Գագիկ Ծառուկյանը:
