Ազգային ժողովում Նիկոլ Փաշինյանը ներկայացրեց իր ձևավորած Կառավարության առաջնահերթությունները
Առաջնահերթյուն 1. ՀՀ-ում պետք է բարձրացնել բարձր տեխնոլոգիաները, ոլորտի զարգացման նպատակը պետք է լինի նաև ռազմարդյունաբերության զարգացումը: Ռազմարդյունաբերական համալիր ասելով պետք է հասկանանք, որ պետք մտածենք նաև նոր հեղափոխական գաղափարների մասին:
Առաջնահերթյուն 2. Գյուղատնտեսության զարգացում: Ռազմավարական նպատակ պետք է լինի չմշակվող հողերի թվի նվազումը և բացառումը: Պետք է նոր մեխանիզմներ մտածենք, ընդհուպ՝ հարկային արտոնությունների տրամադրումը. կառավարությունը կօգնի գյուղացու վարկերի թեթևացման հարցում: Հայաստանում ոռոգման ջուրը պետք է հասանելի լինի այնպես, ինչպես էլհոսանքն է: Կաթիլային համակարգը պետք է դառնա համատարած:
Առաջնահերթյուն 3. Հիմա ակնհայտ է, որ ՀՀ-ում զբոսաշրջության համար լավ հնարավորություններ են բացվել: Հայաստան անունը ներկա է համաշխարհային ԶԼՄ-ների գլխագրերում: Սա ստեղծում է բոլոր նախադրյալները, որ տարվա երկրորդ կեսին ունենանք զբոսաշրջության աննախադեպ աճ: Զբոսաշրջիկների թվի սպասվող աճը նոր հնարավորություն է ստեղծում բիզնեսի զարգացման համար: Կարևոր է օդային տրանսպորտի գների նվազումը:
Առաջնահերթյուն 4. ՀԱՊԿ անդամ ՌԴ-ի հետ հարաբերությունների զարգացումը գլխավոր առաջնահերթություններից է:
Առաջնահերթյուն 5. Առաջնահերթությունների թվում է ՀՀ-ԵՄ համաձայնագիրը: Ամեն ինչ անելու ենք ՀՀ քաղաքացիների համար ԵՄ երկրներ մուտքի վիզայի վերացման համար:
Առաջնահերթյուն 6. Արցախի հարցում բանակցությունները չեն կարող լիարժեք համարվել, քանի դեռ դրանց չի մասնակցում Արցախի ղեկավարությունը:
Առաջնահերթյուն 7. Մենք հավատարիմ ենք Հայոց ցեղասպանության ճանաչման և դատապարտման գործընթացին:
Առաջնահերթյուն 8. Ֆրանկոֆոնիայի գագաթնաժողով:
Փաշինյանը նաև անդրադարձավ վարորդներին տուգանքներից ազատելու, բանակում ծառայող զինվորի կարիքի բավարարումը ծնողի վրա դնելու արատավոր սովորույթներին և նշեց, որ դա բացառվելու է:
Ըստ Փաշինյանի՝ վերջ պետք է դնել նաև դպրոցների կուսակցականացմանը:
Փաշինյանը քաջալերեց Հայաստանի կանանց և հայտնեց, որ կանանց ներգրավվածությունը քաղաքական կյանքին՝ խթան է լինելու ուժեղ քաղաքականություն կերտելու հարցում:
