Քիչ առաջ մամուլում սկսեց շրջանառվել տեղեկություն, որ ոստիկանները «ռեյդ-զինաթափում» օպերացիա են իրականացրել Լեոյի փողոցում:

Նշվում է, որ ոստիկանները զինաթափել են ՀՀ ԱԺ պատգամավոր Սամվել Ալեքսանյանին ուղեկցող թիկնազորին և ոստիկանները «Toyota Prado» մակնիշի մեքենայից բերման են ենթարկել 5 անձի:

«Այս պահին հրապարակման ենթակա տեղեկություն չենք կարող հաղորդել»,-ոստիկանության լրատվության բաժնից ասացին ԼՈւՐԵՐ․com-ին՝ չհերքելով լուրը։

Հիշեցնենք, որ երեկ ՀՀ վարչապետ Նիկոլ Փաշինյանն «Իմ քայլը» դաշինքի հանրահավաքի ժամանակ հրահանգել է ԱԱԾ տնօրեն Արթուր Վանեցյանին եւ ՀՀ ոստիկանության պետ Վալերի Օսիպյանին՝ «իրականացնել ռեյդ, օլիգարխներին, բարձրաստիճան պաշտոնյաներին, թիկնազորներին պառկեցնել ասֆալտներին եւ զինաթափել»:

Տեսանյութը՝ «Ավրորա Մեդիա»-ի.