Մի քանի տարի առաջ Kristina Si-ն Black Star լեյբլի ամենահաջողակ արտիստներից մեկն էր։ Երգչուհին մեկ շաբաթվա ընթացքում մի քանի համերգ էր տալիս, իսկ 2018թ․-ին որոշեց լքել լեյբլը։ Այդ ժամանակ երգչուհին դժվար պատկերացներ, թե ինչ խնդիրներ են իրեն սպասում։
Քրիստինայի նոր՝ Mami ռելիզը արգելափակվել էր Թիմաթիի ընկերության կողմից, քանի որ երգչուհին օգտագործել էր իր հին կեղծանունը, որը պատկանում էր լեյբլին։ Հասկանալով, որ իր համար լավ տարբերակ չի կարողանա գտնել, երգչուհին դիմել է դատարան։
Աստղը համոզված է, որ նրա իրավունքները խախտվել են, քանի որ իր կեղծանունը կար մինչ Black Star-ի հետ համագործակցությունը։
«Հայցում նա խնդրում է ընդունել իր իրավունքների խախտման փաստը, արգելել օգտագործել իր կեղծանունը, Black Star-ին պարտավորեցնել հրապարակել թույլ տրված խախտումների դատական որոշումը»։
Ինչպես նաեւ հրապարակել փաստերի ստույգության հերքումը, որը տարածվել է լեյբլի կողմից, հատկապես «երգչուհու լուսանկարների, տեսանյութերի եւ Kristina Si լոգոտիպով ապրանքների հեղինակային բոլոր իրավունքները, որոնք թողարկվել են լեյբլի հետ համագործակցության ընթացքում պատկանում են Black Star-ին», - պատմել է Բասմանյան դատարանի ներկայացուցիչ Յունոնա Ցարեւան։
«Լեյբլը փորձել ինձ հիմարեցնել՝ վստահեցնելով, որ Քրիստինա Սի կեղծանունը, որով ես գնացել եմ, այժմ իրենցն է։ Լեյբլն առանց ինձ զգուշացնելու իմ անունը գրանցել է որպես ապրանքանիշ։ Իսկ այժմ նրանք դա ուղղում են իմ դեմ՝ հայտնելով, որ անունն ինձ չի պատկանում, արգելում են իմ արվեստը, իսկ սա օրենքի կոպիտ խախտում է», - ավելի վաղ Քրիստինան պատմել էր իր Instagram-ում։
Աղբյուրը՝ news.am
