Ամերիկացի փոփ երգչուհի Արիանա Գրանդեն համաշխարհային շրջագայության շրջանակներում չեղարկել է մի քանի համերգ լոլիկի նկատմամբ հանկարծակի ալերգիայի պատճառով։ Այդ մասին նա հայտնել է Instagram-ի իր էջում։
Երգչուհին պարզաբանել է, որ ալերգիկ ռեակցիայի պատճառով կոկորդն այտուցվել է, սակայն արդեն ապաքինվում է։ Ն ա նաեւ շնորհակալություն է հայտնել երկրպագուներին աջակցության համար եւ խոստովանել, որ զգացողություն ունի, կարծես կակտուս է կուլ տվել։
«Չկա ավելի անարդար բան, քան լոլիկից ալերգիայի առաջացումն իտալացի կնոջ մոտ»,- զայրացել է Գրանդեն։ Նրան զարմացրել է, որ մթերքի նկատմամբ այդ ռեակցիան հայտնվել է միայն 25 տարեկանում։
Արիանա Գրանդեն թատրոնի եւ կինոյի դերասանուհի է, փոփ երգչուհի եւ ֆոտոմոդել։ Փետրվարի 8-ին նա թողարկել է «Thank U, Next» հինգերորդ ստուդիական ալբոմը, որը բաղկացած է 12 երգից։ Նույն օրը նա թողարկվել է «Break Up with Your Girlfriend, Iʼm Bored» երգի տեսահոլովակը, որը մեկ շաբաթվա ընթացքում 61 մլն դիտում է հավաքել։
Աղբյուրը՝ NEWS.am
Լուսանկարները՝ Getty Images
