Խորհրդարանական քառօրյայի վերջին օրվա վերջին ժամերն անցան բավական թեժ մթնոլորտում։ Առիթն «Իմ քայլի» պատգամավոր Սիսակ Գաբրիելյանի հեղինակած օրինագիծն էր, ըստ որի ցանկացած քաղաքացի դրսում նկարահանող սարքի միջոցով կարող է արձանագրել վարորդների խախտումներն ու հատուկ հավելվածի միջոցով ուղարկել ոստիկանություն։ ԲՀԿ-ական Արթուր Դալլաքյանը չէր հավանել օրինագծի դրույթները, որն, ըստ նրա, «շատ վատ ավանդույթ է և անբարոյականություն է սերմանում»։ Վերջինիս ելույթից հետո իր ու «Իմ քայլի» պատգամավորների միջև կրքերը թեժացան ու բանը հասավ փոխադարձ վիրավորանքների։

Տեսանյութը' 24news.am-ի