Հայկական շախմատի առաջատար Լևոն Արոնյանը մեկնարկում է Հնդկաստանում կայանալիք Տատա Սթիլ մրցաշարում:
Արագ և կայծակնային մրցաշարին կմասնակցեն աշխարհի չեմպիոն Մագնուս Կարլսենը, Հիկարու Նակամուրան, Դին Լիժենը, Ուեսլի Սոն, Յան Նեպոմնյաշչին, Անիշ Գիրին, Վիշի Անանդը, Վիդիտ Գուժրատհին և Պենտալա Հարիկրիշնան:
Մրցաշարը բաղկացած է երկու ենթափուլից: Արագ շախմատում գրոսմայստերները կմրցեն 9-ը, իսկ կայծակնային շախմատում' 18 մրցափուլում:
Այն կմեկնարկի նոյեմբերի 22-ին և կանցկացվի հնդկական Կալկաթա քաղաքում: Մրցանակային ֆոնդը կազմում է 150 հազար ԱՄՆ դոլար:
