Մայրաքաղաքում այս օրերին ընթացող փողոցաշինության լայնածավալ աշխատանքներին զուգահեռ Գյումրիում խճապատման աշխատանքներ են կատարվում: Եղանակային պայմանները թույլ չեն տալիս փողոցաշինական աշխատանքներ սկսել: Գյումրու քաղաքապետարանը ամեն օր տարբեր թաղամասերից և մեքենայատերերից ստանում է բողոքներ: Բացի այդ, բնակիչները դժգոհում են, որ քաղաքում իրականացվող փոսալցման մասնակի աշխատանքներին զուգահեռ փոշի է բարձրանում, և այդ ամենը ստեղծում է մի իրավիճակ, ինչը երկրորդ քաղաքին բնորոշ չէ: Փոխքաղաքապետ Ռուբեն Սանոյանը նշել է, որ քաղաքացիների բողոք-դժգոհությունները տեղին են՝ Գյումրին բարեկարգման կարիք ունի: Նախ' կասֆալտապատվի քաղաքի կենտրոնական հրապարակը, Արագած փողոցը, իսկ մյուս հատվածներում հիմնականում փոսալցումներ են նախատեսված: Քաղաքի բյուջեի գումարները սուղ են, և քաղաքապետարանը կառավարական աջակցություն է ակնկալում: Հակառակ դեպքում, ըստ քաղաքապետարանի մամլո խոսնակի, ստացվում է, որ ուշադրություն դարձվում է հիմնականում մայրաքաղաքին, իսկ երկրորդ քաղաքը հետին պլան է մղված:
