Գնա՞լ մարզասրահ, թե՞ ոչ կորոնավիրուսի վտանգի պայմաններում։ Մեր պատասխանն է ՝գնալ, ավելին, իմունային համակարգը բարձրացնելու համար, դա անգամ անհրաժեշտ է․ ցանկացած վարակ տարածվում է հատկապես ցածր իմունիտետի պայմաններում, իսկ մարզվող մարդիկ այդ ռիսկային գոտում չեն, միայն թե պետք է հետևել մի շարք կանոնների։
Այս թեմայի շուրջ զրուցել ենք Fit 24 մարզասրահի հետ, որտեղ ձեռնարկվել են բոլոր անհրաժեշտ միջոցները վարակներից պաշտպանվելու համար։

Ահա թե ինչպես ճիշտ օգտվել մարզասրահից

1․ Մարզասրահում տեղադրված են ախտահանիչներ։ Մարզասրահ մուտքի և ելքի ժամանակ, մարզագույքն օգտագործելուց հետո անպայման ախտահանեք ձեռքերը։
2․ Կարելի է ձեռք բերել բժշկական դիմակներ, վարակապաշտպան քսուկներ՝ ավելի անվտանգ մարզվելու համար, ինչպես նաև իմունիտետը բարձրացնող վիտամինային կոմպլեքսներ։
3․Կարելի է օգտվել Fit 24 -ի չոր սաունայից, վարակները ջերմակայուն չեն, ոչնչանում են 26-27 աստիճան ջերմության պայմաններում։
4․ Մարզիչները մարզումներում ներառել են իմունիտետը բարձրացնող հատուկ վարժություններ։

Բացի այդ, մարզասրահում հեռախոսազանգով սառեցվում են տենդի և հարբուխի ախտանիշ ունեցող այցելուների քարտերը։ 

Fit 24-ի մարզիչ «Թայ Չի» մասնագետ Ամիրն ասում է․ «Մեր մարզումները կօգնեն ամրապնդել ձեր իմունային համակարգը: Դրանք սովորական սպորտաձևերի նման չեն։ Մենք ունենք բազմաթիվ քայլեր և վարժություններ, որոնք կբուժեն մարմինը: «Թայ Չի» -ն մարմնի կեցվածքի և շարժման, շնչառության և մեդիտացիայի դարավոր համակարգ է, որն օգտագործվում է ֆիզիկական և հոգևոր առողջության համար: Ցանկացած վարակից կարելի է խուսափել, եթե հետևեք ձեր անձնական հիգիենային, կենսակերպին , սննդակարգին և , իհարկե, մարզվեք։

Կլինիկական հետազոտությունները բազմիցս ցույց են տվել, որ մարզումները տարբեր հիվանդությունների բուժման մեջ մեծ դեր են ունեցել, Qigong- ի և Tai chi- ին, միանշանակ ունեն բուժական ազդեցություն» ։

Կորոնավիրուսից պաշտպանված լինելու, այլ վիրուսներով չվարակվելու համար անհրաժեշտ է հատուկ ուշադրությամբ հետևել ձեռքերի հիգիենային: Օրը մի քանի անգամ պետք է լվացվել հոսող տաք ջրով ու օճառով, հաճախ օգտվել ալկոհոլ պարունակող քսուքներից: Հատկապես պետք է լվացվել հասարակական վայրերում տարբեր առարկաների դիպչելուց, տրանսպորտում, վերելակում գտնվելուց հետո: Պարտադիր է սնվելուց առաջ և հետո լվացվելը:

Եվ նույնիսկ օրը մի քանի անգամ լվացվելուց հետո չի կարելի ձեռքերը բերանն ու աչքերին մոտեցնել. դրանց վրա հնարավոր մանրէներն այդ ճանապարհով ավելի արագ են ներթափանցում օրգանիզմ:

Ճիշտ սնունդը

Խորհուրդ չի տրվում ուտել վայրի կենդանիներից կամ ծովամթերքից պատրաստված ուտեստներ կամ նախուտեստներ: Հատուկ ուշադրությամբ և շատ լավ պետք է եփել միսը և ձուն: Վիրուսների ակտիվացման շրջանում անհրաժեշտ է օգտագործել սննդարար մթերքներ, վիտամիններր, որոնք օգտակար են իմունիտետին: Խորհուրդ է տրվում օգտագործել շշալցված ջուր:

Դիմակների հիգիենան և դրանց անհրաժեշտությունը

Բժշկական դիմակ անհրաժեշտ է կրել մարդկանց խմբերի մեջ գտնվելիս (տրանսպորտ, խանութ, շուկա, հասարակական այլ վայրեր): Տանը դիմակ կրելու կարիք չկա, եթե սուր շնչառական վարակով հիվանդի չեք խնամում: Մանկահասակ երեխաներին խուրհուրդ չի տրվում դիմակներ հագցնել՝ շնչառական խնդիրներ կարող են առաջանալ։ Դիմակն օգտագործելուց և հանելուց հետո այն ընդհանուր աղբի մեջ գցել չի կարելի. անհրաժեշտ է կապել մեկ այլ տոպրակի մեջ, հետո միայն նետել աղբամանը։ Դիմակը հանելուց հետո անհրաժեշտ է անպայման լվացվել:

Աձնական հիգիենան

Շնչառական որևէ վարակ ունենալու դեպքում անհրաժեշտ է քիթն ու բերանն անձեռոցիկով ծածկել փռշտալիս կամ հազալիս՝ վիրուսը չտարածելու համար: Անձնական հիգիենայի հետ մեկնտեղ պետք է տունն օդափոխել նվազագույնը 20 րոպե, փոխել սրբիչներն ամեն օր, օգտագործել հիգենիայի մաքուր պարագաներ: Ցանկալի է խուսափել հանրային զուգարաններից, օգտվելիս էլ՝ ուշադիր լինել:

Զուգարանակոնքից օգտվելիս ջուրը քաշելուց առաջ պարտադիր է կափարիչը փակել (եթե ձեզնից առաջ զուգարանակոնքից վարակված մարդ է օգտվել և զուգարանակոնքի կափարիչը չի փակել ջուրը քաշելիս, վարակվելու հավանականություն կա, քանի որ ջրից մասնիկները բարձր են թռչում ու մնում օդում): Պարտադիր է լվանալ ձեռքերը: Պարտադիր:

Հետևել առողջությանը

Դեռ մի քանի շաբաթ առաջ ՀՀ առողջապահության նախարարությունից խորհուրդ էին տալիս առաջիկա 2 ամսում զերծ մնալ դեպի Չինաստան ճամփորդություններից, իսկ ցանկացած երկիր այցելելիս հաշվի առնել այդ երկրի համաճարակային իրավիճակը:  ՀՀ վերադառնալիս և վիրուսային ախտանշաններ ունենալիս ինքնաբուժությամբ չզբաղվել և դիմել բժշկի՝ տեղեկացնելով, թե որտեղ եք եղել վերջին 14 օրում:

Տաքության, չոր հազի, շնչառական դժվարությունների դեպքում անմիջապես պետք է բժշկի դիմել՝ նախօրոք զգուշացնելով այդ ախտանշանների մասին: Ինքնուրույն մարմնի ջերմաստիճանն իջեցնելու փորձերը կամ հակաբիոտիկներ օգտագործելը վարակի դեպքում ոչինչ չեն փոխի: Ընդհակառակը՝ կխանգարեն:

Կորոնավիրուսի մասին

Կորոնավիրուսի ախտանշանները նման են գրիպի կամ թոքաբորբի նշաններին. հոգնածության զգացում, շնչառության դժվարացում, բարձր ջերմություն, գլխացավ:

Կորոնավիրուսը կարող է դրսևորվել նաև թեթև տարբերակով, դրանից բուժվելու համար մոտ մեկ շաբաթ է պետք: Ռիսկային խմբում են մինչ այդ ծանր այլ վարակներ ունեցածները, շաքարային դիաբետ կամ թոքերի քրոնիկ հիվանդություններ ունեցողները: Հատկապես տարեցների դեպքում է վարակն ուղեկցվում հետագա բարդություններով:

Եթե վերջին երկու շաբաթում ճամփորդել եք և, հատկապես՝ գտնվել կորոնավիրուսի հաստատված դեպքեր ունեցող երկրներում, ցանկալի է ամեն օր տաքությունը չափել, վարակի ախտանշաններ նկատելու դեպքում՝ դիմել բժշկի: