|
Հայաստանի վարչապետի կինը՝ Աննա Հակոբյանը կորոնավիրուսի կանխարգելման կամավորական աշխատանքի է մասնակցում։ «Առաջին օրն է, որ դուրս եմ եկել ինքնամեկուսացումից հետո․ այսօր մի պահ քայլեցի փողոցում, բոլորն ուշադիր էին, հետևում էին, հեռավորության վրա իրար առողջություն էինք մաղթում։ Եվս մեկ անգամ համոզվեցի, որ մեր քաղաքացիները լրջությամբ են վերաբերվում էն ամենին, ինչ ասվում է․ այսինքն՝ վարքագծի կանոններին շատ լուրջ են վերաբերում»,- լրագրողների հետ զրույցում ասաց նա։ ՀՀԿ փոխնախագահ Արմեն Աշոտյանը ֆեյսբուքյան իր էջում անդրադառնալով Աննա Հակոբյանի նախաձեռնությանը՝ գրել է․ «Խնդրում եմ Աննա Հակոբյանին կորոնավիրուսի կանխարգելման մասին բուկլետներ չբաժանել, այն էլ՝ առանց ձեռնոց: Հիշեք, որ անգամ ԿԲ-ն է շրջանառությունից հանում հին թղթադրամները՝ վիրուսի տարածումը թղթե կրիչների միջոցով սահմանափակելու համար»։ |
