Gucci-ն ներկայացրել է Pre-Fall 2020 հավաքածուի գովազդային արշավը, որում Ալեսանդրո Միկելեն կրկնել է Միլանում ցուցադրված գարուն-ամառ հավաքածուից գույների համամասնությունները եւ համադրությունները:

Արշավը նվիրել են Երկրի օրվա տոնակատարությանը։ Բրիտանացի նորաձեւության լուսանկարիչ Ալասդեր Մաքլելլանի լուսանկարներում մոդելները ժամանակ են անցկացնում անտառում եւ մանկական խաղահրապարակում խաղում են ճագարների, եղջերուների, սկունսների, բադերի եւ ոզնիների շրջապատում: Gucci-ի ներկայացուցիչների խոսքով՝ այս արշավը մարմնավորում է «անմեղության ոգին, միամիտ մանկության աշխարհ վերադառնալը, բնության եւ կյանքի հետ փոխազդեցության կոչը»: