Օրերս կորոնավիրուսի հետևանքով Հրազդանի ծննդատան աշխատակիցներից մեկն է մահացել. Sputnik Արմենիայի հետ զրույցում լուրը հաստատեց առողջապահության նախարարի մամուլի խոսնակ Ալինա Նիկողոսյանը։
«Կորոնավիրուսից մահացած կինն ունեցել է ուղեկցող խրոնիկական հիվանդություններ»,- ասաց նա։
Մեր տեղեկություններով' 46-ամյա կինը որոշ ժամանակ միացված է եղել թոքերի օդափոխության սարքին։ Նա աշխատում էր Հրազդանի ծննդատանը՝ որպես բուժքույր։
Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 350-ով և դարձել 13 675։ Նախորդ օրը վիրուսից 6 անձ է մահացել. ընդհանուր առմամբ, մինչ օրս կորոնավիրուսից 217 մահվան դեպք է գրանցվել մեր երկրում։
armeniasputnik.am
