Ադրբեջանի արտաքին գործերի նախարարությունը հայտարարություն է տարածել Հայաստանից դիվանագետների և պաշտոնատար անձանց Արցախ կատարած այցի վերաբերյալ:

«Եվս մեկ անգամ ընդգծում ենք, որ Հայաստանի պետական պաշտոնյաների անօրինական այցերն Ադրբեջանի տարածք անթույլատրելի է:

Եթե առանց պաշտոնական Բաքվի թույլտվության, Հայաստանի արտգործնախարարը հերթական անգամ այցելի ադրբեջանական տարածքներ, դա կարող է թանկ նստել Հայաստանի վրա:

Ինչ վերաբերում է Հայաստանի արտգործնախարարի անհիմն հայտարարությանը' Ադրբեջանի Լեռնային Ղարաբաղի շրջանի կարգավիճակի վերաբերյալ, ապա ցանկանում ենք հիշեցնել Հայաստանի պաշտոնյաներին, որ նախագահ Իլհամ Ալիևը կարգավիճակի հարցը ուղարկել է պատմության աղբանոց»,- ասված է հաղորդագրությունում: