Քաղաքական դաշտում մենք հետևում ենք բոլոր հայտարարությունների բովանդակային հատվածին: Այս մասին այսօր՝ մայիսի 6-ին, Ազգային ժողովում լրագրողների հետ զրույցում ասաց իմքայլական պատգամավոր Լիլիթ Մակունցը՝ անդրառանալով Լևոն Տեր-Պետրոսյանի ժամանակ առ ժամանակ արված հայտարարություններին:

«Որպես քաղաքական թիմ մենք բոլորս ծառայում ենք ՀՀ-ին: Ես չգիտեմ, թե Լևոն Տեր-Պետրոսյանը ինչ չափով գիտի Նիկոլ Փաշինյանին, մենք այստեղ չենք խոսում անձնական հարաբերությունների մասին, ես ներկայանում եմ որպես քաղաքական թիմի ներկայացուցիչ»,- ասաց Լիլիթ Մակունցը՝ պատասխանելով լրագրողների այն հարցին, թե ով է ավելի լավ ճանաչում Նիկոլ Փաշինյանին` ի՞նքը, թե՞ Լևոն Տեր-Պետրոսյանը: