Կապանում շրջանառվող խոսակցությունների համաձայն' լուրջ փոփոխություններ են սպասվում ոչ միայն Սյունիքի մարզային իշխանություններում, այլև՝ մարզի խոշորագույն ընկերությունների ղեկավար կազմում։ Մասնավորապես, ըստ լուրերի, կադրային փոփոխություններ կլինեն Հայաստանի խոշորագույն հարկատու Զանգեզուրի պղնձամոլիբդենային կոմբինատում: Սյունեցիների փոխանցմամբ' ԶՊՄԿ-ի նոր տնօրեն է նշանակվելու ՀՀ էներգետիկայի և բնական պաշարների նախարարի ժամանակավոր պաշտոնակատար Արմեն Մովսիսյանը: Իսկ կոմբինատի ներկայիս տնօրեն Մաքսիմ Հակոբյանը շարունակելու է մնալ ընկերության բաժնետեր: Ավելացնենք, որ Արմեն Մովսիսյանը արմետներով սյունեցի է, այնպես որ, փոփոխությունը հնարավոր է նրա սրտով լինի։