Քիմ Քարդաշյանը պարծեցել է նորաձեւ ավտոմեքենայով։ Ռիալիթի-շոուի  43-ամյա աստղը ներկայացրել է իր տպավորիչ հավաքածուից նոր մեքենայի՝ Tesla-ի Cybertruck-ի լուսանկարը՝ հրապարակելով այն Instagram-ի Stories-ում։

Քիմն իրեն անվանել է «զիլ վարորդ-մայրիկ»։ Պիկապը թողարկվում է երեք տարբեր ձեւերով՝ 60 990-ից մինչեւ 99 990 դոլար գնով։

IMG_2348.jpeg (128 KB)

Լուսանկարում ցուցադրված են մեքենայի հետին եւ աջ մասերը՝ չժանգոտվող պողպատից, այն կայանված է փողոցում։

Մեքենան մուգ արծաթավուն է եւ տեղավորում է հինգ մեծահասակի։

Ավելի վաղ Քիմն արդեն ցուցադրել էր մեքենան։ Լուսանկարում այն կայանված էր նրա մասնավոր ինքնաթիռի կողքին (արժեքը՝ 150 մլն դոլար), որն էլ հասցրել էր նրան Սուպերգավաթին։

IMG_2349.jpeg (344 KB)

Քիմը ավտոմեքենաների մեծ հավաքածու ունի, որոնց ընդհանուր արժեքը կազմում է մոտ 2,1 մլն դոլար։

Մասնավորապես, նրա հավաքածուում են մարզական Custom Mercedes-Maybach GLS 600 (2022թ., արժեքը՝ 250 000 դոլար) ամենագնացը, ինչպես նաեւ 2023թ. Cadillac Escalade-ը՝ մոտ 200 000 դոլար, ամենաթանկ մեքենաներից մեկը՝ 2022թ. Lamborghini Urus-ը՝ մոտ 400 000 դոլար արժեքով, ինչպես նաեւ 2022թ. Maybach S580-ը՝ մոտ 250 000 դոլար արժեքով։