Կենտրոնական բանկի նախագահի օգոստոսի 8-ի որոշումով գրանցվել է «Էյչ-Էս-Բի-Սի Բանկ Հայաստան» ՓԲԸ «Հանրապետության Հրապարակ» մասնաճյուղի գործունեության ժամանակավոր դադարեցումը մինչև 2013թ. սեպտեմբերի 20-ը ներառյալ: Այս մասին հայտնում են ԿԲ հասարակայնության հետ կապերի ծառայությունից: Ինչպես տեղեկացնում են «Էյչ-Էս-Բի-Սի Բանկ Հայաստան» ՓԲԸ-ից, մասնաճյուղը ժամանակավորապես չի գործելու վերակառուցման աշխատանքների պատճառով: Բանկը առաջարկում է այդ ժամանակահատվածում օգտվել իր մյուս մասնաճյուղերի և հեռախոսային բանկային կենտրոնի ծառայություններից: