168.am - Լավատեղյակ աղբյուրների համաձայն, Հայաստանի իշխանական վերնախավում որոշում է կայացվել 2014 թ. Սահմանադրական փոփոխությունների հանրաքվե անցկացնելու մասին: Սահմանադրական փոփոխությունների հանձնաժողովը, որը կստեղծվի այս տարվա վերջին, հավանաբար դեկտեմբերին, ըստ նույն աղբյուրների, ղեկավարելու է Սահմանադրական դատարանի նախագահ Գագիկ Հարությունյանը: Սահմանադրական փոփոխությունների արդյունքում Հայաստանը կդառնա խորհրդարանական հանրապետություն, իսկ նախագահին կվերապահվեն բավական սահմանափակ և խորհրդանշանական լիազորություններ: Ըստ իշխանական շրջանակներում քննարկվող վարկածի՝ Սահմանադրական փոփոխությունների իրականացման պաշտոնական բացատրությունը կլինի այն, որ նոյեմբերին Վիլնյուսում Եվրամիության հետ ասոցացման համաձայնագրի նախաստորագրումից հետո անհրաժեշտություն է առաջանալու Հայաստանի օրենսդրությունը համահունչ դարձնել Եվրոպական Միության երկրների օրենսդրությանը: Ասոցացման համաձայնագրում այդպիսի կետ կա, ու սահմանադրական փոփոխությունների նախաձեռնություն սկսելիս հղում է կատարվելու հենց այդ կետին: Եվ Հայաստանի օրենսդրությունը եվրոպականի հետ համահունչ դարձնելու գործը սկսվելու է Մայր օրենքից՝ Սահմանադրությունից: Բայց ամենակարևոր փոփոխությունը լինելու է գործող կիսանախագահական կառավարման համակարգի վերացումը, և խորհրդարանական անցումը համակարգին: Հնարավոր է, որ այդպիսի նախաձեռնությամբ հանդես գալու առաքելությունը իշխանությունը թողնի ընդդիմությանը' այդպիսով ցույց տալով, որ պատրաստ է Սահմանադրական փոփոխությունների հարցում ընդունել նաև ընդդիմության առաջարկները: Հիշեցնենք, որ խորհրդարանական ընդդիմությունը՝ ՀԱԿ կուսակցությունը, «Ժառանգությունը», ՀՅԴ-ն և այլընտրանքային ԲՀԿ-ն, մինչև ԱԺ ընտրություններն էին փորձում հասնել ընտրական օրենսգրքում համապատասխան փոփոխության. վերացնել մեծամասնական ընտրակարգը և անցնել 100 տոկոսանոց համամասնական ընտրակարգի, որի հաջորդ քայլը պետք է լիներ անցումը կառավարման խորհրդարանական համակարգին: Հաշվի առնելով այդ հանգամանքը՝ հիմնական քաղաքական ուժերից որևէ մեկը դեմ չի լինի այս փոփոխությանը, ու Սահմանադրական փոփոխությունների հանրաքվեն կանցնի ընդդիմության և իշխանության միասնության ու համաձայնության մթնոլորտում: Հիշեցնենք, որ 2013 թվականի նախագահական ընտրություններից հետո, Սերժ Սարգսյանը «Ժառանգության» նախագահ Րաֆֆի Հովհաննիսյանին առաջարկեց գլխավորել սահմանադրական փոփոխությունների նախապատրաստման հանձնաժողովը, ինչից վերջինս հրաժարվեց: Այս փոփոխությունների իրականացումը հնարավորություն կտա նախագահ Սերժ Սարգսյանին իր նախագահության ժամկետի ավարտից հետո ևս շարունակել ղեկավարել Հայաստանը, այս անգամ՝ արդեն վարչապետի պաշտոնում: Ավելի հավանական է համարվում, որ նա 2017 թ. խորհրդարանական ընտրություններից առաջ կարող է հրաժարվել նախագահի պաշտոնից և, գլխավորելով ՀՀԿ համամասնական ցուցակը, ընտրություններից հետո զբաղեցնել վարչապետի պաշտոնը: Հիշեցնենք, որ նախագահի պաշտոնը վարչապետինով փոխարինելու փորձ կատարեց Վրաստանի նախագահ Միխեիլ Սաակաշվին, որը ևս, սահմանադրական փոփոխություններ իրականացնելով, Վրաստանում մտցրեց կառավարման խորհրդարանական համակարգ՝ թերևս, նպատակ ունենալով նախագահական ժամկետի ավարտից հետո զբաղեցնել վարչապետի պաշտոնը: Սակայն Սաակաշվիլիի ղեկավարած Միացյալ ազգային շարժումը պարտվեց «Վրացական երազանքին»: Հայաստանին և նրա նախագահին նման «վտանգ» կարծես թե չի սպառնում, քանի որ, ի տարբերություն Վրաստանի, Հայաստանում չկա ընտրական համակարգ և մինչև 2017 թ. դժվար թե ստեղծվի: Հայաստանում իշխանությունը ընտրություններում չի պարտվում ընդդիմությանը, և ինչպես ասել է Գալուստ Սահակյանը քանի դեռ Ղարաբաղի հարցը չի լուծվել, ՀՀԿ-ն շարունակելու է մնալ իշխանության: Իսկ մինչև 2017թ. Ղարաբաղի հարցը ևս դժվար թե լուծվի: Այնպես որ, ՀՀԿ-ի հաղթանակը կանխորոշված է: Միակ վիճահարույց հարցը, որի շուրջը դեռևս իշխանության վերնախավում որոշում չի կայացվել, այն է, թե արդյոք նախագահը պետք է ընտրվի համընդհանուր քվեարկությա՞ն միջոցով, թե՞ նրան ևս պետք է ընտրի խորհրդարանը, ինչպես արվում է կառավարման խորհրդարանական համակարգ ունեցող բազմաթիվ երկրներում: Վերջին տարբերակը, թերևս, կլինի ամենաընդունելի լուծումը՝ որքան քիչ համաընդհանուր ընտրություն, այնքան ավելի քիչ համազգային սթրես և խայտառակություն: Ի դեպ, եթե այս սցենարն ամբողջությամբ իրականություն դառնա, ապա նախագահի ամենահավանական թեկնածուն կլինի Պարույր Հայրիկյանը, որը վաղուց է առաջարկում իրեն սիմվոլիկ լիազորություններով նախագահ նշանակել իր կողմից մշակված կատարյալ ժողովրդավարության մոդելը կյանքի կոչելու համար:
Սահմանադրական հանրաքվեի միջոցով Հայաստանը կդառնա խորհրդարանական հանրապետություն
13:01 - 24.Օգոստոս.2013
Առաջարկում ենք նաև
02/09/22 09:00
Արցախի Հանրապետությունը 31 տարեկան է
23/06/21 13:00
Տեղի ունեցած ընտրությունների արդյունքները համարում ենք ոչ իրավաչափ․ «Ազգային օրակարգ»
22/04/24 14:00
Ովքեր և ինչու ողջունեցին կամ չողջունեցին Տավուշում Հայաստանի կողմից զիջումների գնալու որոշումը. Անդրանիկ Թեւանյան
11/11/23 11:23
Երևանը պատրաստվում է ԵԱՀԿ ԽՎ աշնանային նստաշրջանին
25/07/23 23:04
Լավրովը հայտարարել է Ռուսաստանի, Հայաստանի և Ադրբեջանի ղեկավարների գագաթնաժողով անցկացնելու ծրագրի մասին
15/05/23 12:55
«Ակնկալում եմ, որ ՀՀ արդարադատությունը կառավարությունից կպահանջի հրապարակել իմ հեռացման պատճառները»
28/01/21 21:40
Վարչապետի աթոռը գրկած-նստածի սպասարկուները հենց հիմա քրգործ են կարում «հայահավաքի» մասնակիցների վրա. Ռուբեն Մելիքյան
10/02/20 12:44
Նիկոլ Փաշինյանն ու Արայիկ Հարությունյանը խախտել են «Հանրաքվեի մասին» ՀՀ սահմանադրական օրենքը
Ամենադիտված
Լրահոս
17:00
Պարտապանի եկամուտը կարող է բռնագանձվել միայն նվազագույն աշխատավարձի չափով. Օրենսդրական նոր կարգավորումներ են առաջարկվում
15:44
Լևոն Քոչարյանի ձերբակալված օգնականը բացատրում է, թե ինչ միջադեպ է եղել լրագրողի հետ (տեսանյութ)
10:33
ՄԻՊ ներկայացուցիչները մեկնել են Ոստիկանության Իջևանի բաժին՝ բերման ենթարկված անձանց տեսակցելու
09:39
Անգամ Աննա Հակոբյանի հետ մտերմությունը չի փրկում. ԲԴԽ անդամ Նաիրա Հովսեփյանը ազատման դիմում է գրել
08:58
Իսկ ինչու են Փաշինյանի, նրա կնոջ ու երեխաների շուրջ թիկնապահներ պտտվում, թող ծառ տնկի. լրագրողը հեգնել է Փաշինյանին
15:00
Սա փորձ է ստիպել հայ ժողովրդին հրաժարվել «իր ծննդյան վկայականից», փոխարենը պարտադրել մեկ այլ՝ նոր «սեփականության վկայական», որը ՀՀ կառավարության ղեկավ...
13:20
ՔՊ-ն խոսում է բռնության անթույլատրելիության մասին, իսկ երեկ ոստիկանները քաշքշում էին լրագրողին. Տիգրան Աբրահամյան
10:27
Աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ. ՄԻՊ
09:26
Այսօր որևէ մարդու աղքատության մեջ ապրելու առանցքային պատճառը ժամանակին նրա չստացած կրթությունն է. Փաշինյան
08:45
«Ժողովուրդ». ՔՊ հերթական «ձեռքբերումները»․ Երեւանի ընտրությունների իրավախախտումները չեն վրիպել Freedom House-ի աչքից
08:35
«Հրապարակ». Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի անկախության
08:24
«Ժողովուրդ». Արմավիրի նախկին դատախազները դիմել են արդարադատության նախարարին. ի՞նչ են պահանջում
16:00
Ոստիկանության համար սովորական է դարձել ԶԼՄ ներկայացուցչի վրա հարձակվելն ու բռնություն գործադրելը․ հայտարարություն
15:22
Ինքնաշխատ նոր համակարգի միջոցով 20 534 ֆիզիկական անձի վերադարձվել է 647,5 մլն դրամ սոցիալական վճար. ՊԵԿ
09:53
«Արսենը հրաշալի հայր էր, անկրկնելի ամուսին և հոգատար զավակ». կամավորական Արսեն Կարապետյանն անմահացել է հոկտեմբերի 10-ին. «Փաստ»