Արարատի մարզի Ազատաշեն գյուղի բնակիչ 20-ամյա Թովմաս Վարդանյանը իր հետ նույն սրճարանում աշխատող Գետափնյա գյուղի բնակչուհի Հայկանուշ Ներսիսյանից պարտքով 100 000 դրամ էր վերցրել, և տևական ժամանակ չէր վերադարձնում:
Իսկ երբ պարտատերը պահանջել է վերադարձնել պարտքը, Թովմաս Վարդանյանը որոշել է սպանել նրան: Այդ նպատակով 2013թվականի հունվարի 21-ին Հ.Ներսիսյանին առաջարկել է աշխատանքի ավարտից հետո միասին գնալ Ազատաշեն գյուղում բնակվող իր ընկերոջ տուն' իբր, գումարը վերցնելու: Սակայն, ճանապարհին, Ազատաշեն -Արբաթ ավտոճանապարհի ձախ մասում գտնվող դաշտերի մեջ նախապես իր հետ վերցրած և ձեռքի պայուսակում պահված ուրագով բազմաթիվ հարվածներ է հասցրել Հայկանուշ Ներսիսյանի գլխին, նրան պատճառել կյանքին վտանգ սպառնացող ծանր վնասվածքներ:
Սակայն, տեսնելով որ իր հանցավոր դիտավորությունն ավարտին չի հասել և կինն այդքանից հետո դեռ ողջ է, իր հանցավոր մտադրությունն ավարտին հասցնելու համար այս անգամ արդեն ձեռքերով փակել է Հայկանուշ Ներսիսյանի քիթն ու բերանը' փորձելով շնչահեղձ անել նրան:
Սակայն կինը դարձյալ ողջ է մնացել: Փոխարենը Թովմաս Վարդանյանը նրա ուշագնացությունն ընդունել է որպես մահ և, թողնելով իր զոհին ամայի դաշտում ընկած, հեռացել է դեպքի վայրից:
Այսպիսով, կինը միայն հրաշքով է փրկվել:
Իսկ Թովմաս Վարդանյանին մեղադրանք է առաջադրվել դիտավորյալ, շահադիտական դրդումներով սպասնության համար: Դատաքննությունը շարունակվում է, դատական հերթական նիստը Արարատի եւ Վայոց Ձորի մարզերի ընդհանուր իրավասության դատարանում նշանակված է երկուշաբթի' հոկտեմբերի 21-ին:
«Փաստինֆո»
