Լավ ռեստորանի առաջին գրավականը տեսքն է: «Ալ Մահարա» ռեստորանի յուրահատկությունը ներսույթի (ինտերյեր) մեջ է: Կա մի հանգամանք ևս. որքան էլ ծիծաղելի հնչի, կերակուր պատրաստելու համար ակվարիումի ձկներից պատվեր չեն վերցնում:

Ակվարիումում շուրջ 280 հազար լիտր ջուր կա, որտեղ ապրում է 50 տեսակի ձուկ:

Ակվարիումի բոլոր ձկների հետ բնակվում է Ջորջ անունով ձկնիկը, որն առանձնանում է մյուսներից, որովհետև այն արդեն 11 տարի է, ինչ ռեստորանի այցեքարտն է համարվում: Իմիջիայլոց, այդ ձկնիկը կարող է փոխել իր սեռը: Այո, Ջորջը եզակի ձկնիկ է:

Այս ձկան երկարությունը 230 սմ է, կշռում է 191կգ: Այսպիսի մեծ ձկներն ունակ են փոխելու ոչ միայն իրենց սեռը, այլև՝ իրենց գույնը, մարմնի չափերը: Սեռի փոփոխությունը, օրինակ՝ արուից էգի, տևում է 9 տարի: Այս ընթացքում նրանք նոր հատկություններ են ձեռք բերում:

Ռեստորանի յուրաքանչյուր սեղան սպասարկում է միանգամից մի քանի մատուցող: Նրանք, սովորաբար, շատ գունագեղ ներկայացնում են բոլոր հետաքրքրաշարժ և գեղեցիկ ուտեստները:

Ռեստորանը տեղավորում է 114 մարդու՝ չհաշված VIP-երը:

Այո, ազատ ժամանակն այսպիսի ռեստորանում անցկացնելը բավականին գայթակղիչ է: Ճոխ ժամանցն այստեղ ապահովված է:

Պատրաստեց Նելլի Ալեքսանյանը