Չինական արդյունաբերական հզորության կարևորագույն բնութագրիչներից մեկը ցանկացած ապրանք «պատճենելու» մեծ կարողությունն է։ Այս դեպքում խոսքն ավտոարտադրության մասին է։ Ողջ աշխարհին է հայտնի, որ չինական արտադրողն իր գնորդներին է առաջարկում աշխարհահռչակ մակնիշներին պատկանող թանկարժեք ավտոմեքենաների «ճշգրիտ պատճենները»՝ անասելի ցածր գներով։

Օրինակ՝ երբ աշխարհահռչակ Ferrari–ին այս կամ այն ավտոցուցադրության ժամանակ ներկայացնում է իր նոր արտադրանքը, անմիջապես հայտնվում են մեծ թվով չինացի լրագրողներ և լուսանկարում մեքենան՝ իր բոլոր մանրամասներով։ Այնուհետև, այդ նույն լուսանկարների հիման վրա Չինաստանում «ստեղծվում են» նոր ավտոմեքենաներ, որոնց արտաքին տեսքն ու կառուցվածքը գրեթե 98 տոկոսով համընկնում են Ferrari–ի ներկայացրած մոդելին, բայց արդեն միանգամայն այլ մակնիշի անվանմամբ։

Ներկայացնում ենք «չինական կլոնների» ամենավառ օրինակներից մի քանիսը.

1. Porsche Cayenne և BYD T6.

2. Lexus RX 350 և SG Qisheng V3.

3. Volkswagen Tiguan և Yema T-Suv.

4. Infiniti EX և Yema E-Suv.

5. Audi A4 Avant և Yema F16.

6. Rolls Royce Phantom և Geely GE.

7. Jeep Wrangler և Beijing B40.

8. Mazda2 և Haima M2.

9. BMW X5 և Shuanghuan CEO.