Տասներկուամյա ամերիկացի տղան, հավանաբար, աշխարհում միակ մարդն Է, որը տառապում Է քաղցի եւ ծարավի զգացողության կորստից, տեղեկացնում Է «Արմենպրես»-ը՝ հղում անելով The Des Moines Register-ին:
Մեկ տարի առաջ տղան հանկարծակի հիվանդացել Է տարօրինակ հիվանդությամբ. նա դադարել Է զգալ քաղցն ու ծարավը: Նա խիստ գլխապտույտներ Է ունեցել եւ հազացել Է: Ռենտգենը երեխայի մոտ հայտնաբերել Է մանրԷական վարակ ձախ թոքում, սակայն դրա վերացումից հետո տղայի ախորժակն այդպես Էլ չի վերադարձել: Չնայած այն բանին, որ նա զգում Է համն ու հոտը, կերակուրը նրա մոտ ուտելու ցանկություն չի առաջացնում:
Ծնողներն իրար հերթ չտալով որդուն առաջարկում են ամենահամեղ կերակրատեսակները՝ աղաչելով, որ ուտի, բայց ապարդյուն: Նա սկսել Է կորցնել քաշը:
«Նա աչքի առաջ հալվում Է»,- ասում Է նրա հայրը, որն ստիպված Է եղել թողնել աշխատանքը եւ իրեն նվիրել որդուն:
Տղայի ծնողները հարկադրված են երեխային շարունակ հիշեցնել, որ նա պետք Է գոնե փոքր-ինչ ուտի կամ ջուր խմի: Նրանք տղային կերակրում են գրեթե ուժով:
Բժիշկները պնդում են, որ նման հիվանդության դեպքը կարող Է լինել միակն աշխարհում: Տարբեր կլինիկաներում բազմիցս կատարված հետազոտությունները հաջողություն չեն ունեցել: Բուժման մեթոդներից ոչ մեկը դրական արդյունք չի տվել:
Հաջորդ քայլը կարող Է դառնալ գաստրոնոմիական փողակի օգտագործումը, որպեսզի սնունդն անմիջականորեն հասնի երեխայի ստամոքս, հաղորդել Է ՌԻԱ Նովոստին :
