Քաղաքական դաշտում վերջին մի քանի շաբաթներում ամենաքննարկվող թեման 2013թ-ի փետրվարին կայանալիք նախագահական ընտրություններն են: Այն քաղաքական ուժերը, որոնք չունեցան սեփական թեկնածու, հայտարարեցին թե ում են թեկնածուներից սատարելու կամ չսատարելու և վերջ, կարծես ընդհատակ են անցել: Խոսքը վերաբերվում է ԲՀԿ-ին, ՀՅԴ-ին, ՀԱԿ-ին, Օրինաց երկրին: Սրանք այն խոշոր կուսակցություններն են, որոնք քիչ թե շատ ունեն ժողովրդի վստահությունը, սակայն հենց նույն ժողովրդի մոտ այնպիսի կարծիք է ձևավորվում, որ երկրի նախագահի հարցը իրենց չի հետաքրքրում, եթե սեփական թեկնածու չունեն ուրեմն չունեն նաև կարծիք և ասելիք: Ու այս կուսակցություններն իրենց կարծես ձմեռային հանգիստ են պարգևել: Սակայն դա չի վերաբերում Օրինաց երկրին, որը շատ լարված գրաֆիկով աշխատում է, նոր մարդկանց համալրելով իր դաշտում: Արաբկիրի նախկին թաղապետ Հովհաննես Շահինյանը, ով լքել էր Հանրապետական կուսակցությունը, համալրել է Օրինաց երկիր կուսակցության շարքերը: Ի՞նչ է կատարվում. Արթուր Բաղդասարյանը օգտվում է քաղաքական լարված իրավիճակից և կուսակցության շարքերն է բարելավվում՝ հող նախապատրաստելով հաջորդ խորհրդարանական կամ գուցե նաև նախագահական ընտրությունների համար: Ավելին' slaq.am-ին հայտնի է դարձել, որ այս մի քանի շաբաթների ընթացքում, այն բանից հետո, երբ հայտնի դարձավ, որ «Օրինաց երկիր»–ը սատարելու է Սերժ Սարգսյանին, ավելին՝ կուսակցության տարածքային ղեկավարների անմիջական հորդորով, սկսվել են կուսակցության անդամների անդամագրումը։ Այս ամենը հիմք ընդունելով, կարելի է ենթադրել, որ Արթուր Բաղդասարյանը մեծ ցանկություն ունի նախագահ դառնալու։