Իսպանիայի առաջնության 25-րդ տուրում «Բարսելոնան» արտագնա խաղում հանդիպեց «Լաս Պալմասին»: Դիմակայությունն ավարտվեց կատալոնցիների հաղթանակով՝ 2:1 հաշվով:
Մեկնարկից 6 րոպե անց հաշիվն արդեն բացված էր: Ալբայի փոխանցումից հետո գոլ խփեց Լուիս Սուարեսը: Պատասխան գոլը գրանցվեց չորս րոպե անց՝ աչքի ընկավ Վիլիան Ժոզեն:
Հանդիպման վերջին գոլը գրանցվեց 39-րդ րոպեին. Նեյմարն իր գոլով հաղթանակ բերեց կատալոնցիներին:
Այս հաղթանակից հետո «կապտանռնագույնները» շարունակում են գլխավորել Լա լիգայի մրցաշարային աղյուսակը՝ իրենց միավորների քանակը հասցնելով 63-ի:
