Աթաթուրքի անվան միջազգային օդանավակայանում Ստամբուլի ոստիկանությունը ձերբակալել է ռուսաստանցի երկու գործակալների: հաղորդում է թուրքական «Միլլիյեթ» թերթի կայքը՝ հղում անելով թուրքական հետախուզական ծառայության աղբյուրներին:

Թուրքական հատուկ ծառայությունները հրապարակել են նաև ձերբակալվածների անունները՝ Յուրի Անիսիմով և Ալեքսանդր Սմիրնով։

Պարբերականի պնդմամբ՝ ռուսական հատուկ ծառայությունների աշխատակիցները կապ ունեն Ստամբուլում 2015 թվականի նոյեմբերի 1-ին չեչեն դաշտային հրամանատար Վահիթ Էդելգիրովի սպանության հետ։

Ձերբակալվածները հրաժարվել են ցուցմունք տալուց։

Նրանց մոտից առգրավվել են եվրոպական մի քաղաքի որոշ հյուրանոցների ու ռազմավարական օբյեկտների բազմաթիվ լուսանկարներ։ Քաղաքի անունը չի նշվում։