ԱՄՆ պետդեպարտամենտի և Թուրքիայի ԱԳՆ-ի պատվիրակությունների միջև ոչ էմիգրացիոն վիզաների տրամադրման շուրջ բանակցությունները հաջող ընթացք են ունեցել։
«ՏԱՍՍ»-ի փոխանցմամբ, այս մասին հայտնել են Թուրքիայի արտգործնախարարության աղբյուրները։
Հանդիպման այլ մանրամասներ չեն ներկայացվել։ Անկարա ժամանած ամերիկյան պատվիրակությունը ղեկավարել է պետքարտուղարի Եվրոպայի և Եվրասիայի հարցերով օգնականի առաջի տեղակալ Ջոնաթան Կոենը։
Հիշեցնենք, որ Անկարայի և Վաշինգտոնի հարաբերություններում լարվածություն ծագել էր անցած շաբաթ Ստամբուլում ԱՄՆ հյուպատոսության աշխատակից Մեթին Թոփուզի ձերբակալությունից հետո։